Ahoko eta aurpegiko motrizitaterako terapia
Arnasketaren, mastekatzearen eta irensketaren funtzioak behar bezala gauzatzen dira ahoko, aurpegiko eta lepoko egituretan indar-oreka bat dagoenean. Ahoko eta aurpegiko motrizitatean giharrak lantzen dira oreka hori lortzera bideratuta dauden ariketa espezifikoen bidez.
Tratamendu hori haurtzaroan egitea komeni da, haurren garezurrak eta masailezurrak normaltasun osoz gara daitezen. Dena den, heldutasunean, masailezurraren deformazio-prozesua geldiaraztea da helburua. Horretarako, ariketa espezializatuak egiten dira eta ohitura berriak hartu behar dira.
Bermo Logopedian, ahoko eta aurpegiko motrizitatea haurtzaroan, ebakuntza aurrekoetan eta ostekoetan, heldutasunean eta gaixotasun neurologikoak dituzten pertsonekin euskeraz eta gazteleraz lantzen dugu.
Tratamendu hori haurtzaroan egitea komeni da, haurren garezurrak eta masailezurrak normaltasun osoz gara daitezen. Dena den, heldutasunean, masailezurraren deformazio-prozesua geldiaraztea da helburua. Horretarako, ariketa espezializatuak egiten dira eta ohitura berriak hartu behar dira.
Bermo Logopedian, ahoko eta aurpegiko motrizitatea haurtzaroan, ebakuntza aurrekoetan eta ostekoetan, heldutasunean eta gaixotasun neurologikoak dituzten pertsonekin euskeraz eta gazteleraz lantzen dugu.
Ahots-terapia
Noizbait, denok egon gara “marrantak jota” edo “afoniko” (hots, disfonia pairatu dugu), ahotsarekin gehiegizko esfortzua egitearen edo hotzeri baten ondorioz. Asteak igaro ondoren disfonia desagertzen ez denean goaz logopeda batengana.
Bermo Logopedia zentroan, medikuntzaren, logopediaren eta kantu-diziplinaren ezagutzak erabiltzen ditugu, pertsonaren osotasuna eta ahotsari eragiten dioten aldagaiak kontuan hartuta. Ordu askoz erabil zenezakeen esfortzurik gabeko ahots atsegingarri bat lortzea da tratamenduaren helburua. Azken finean, izaki sozialak gara. Ahotsa egunero erabiltzen dugu eta, huts egiten digunean, gure ongizateari eragiten dio horrek.
Esku-hartzea mintzamenean
Pertsona batek hitzak artikulatzean eta haren inguruneak pertsona hori ulertzeko dituen zailtasunak dira mintzamenaren nahasmenduak. Normalean, mintzamenaren tratamenduan euskeraren eta gazteleraren fonema (soinu) guztiak esaten eta fonema horiek egunerokoan behar bezala integratzen irakasten diegu haurrei.
Zenbaitetan, mintzamenaren nahasmendu horiekin batera mintzamen bizkor, motel edo etena ere badago. Bermo Logopedia zentroan, kasu bakoitza banakako moduan aztertuko eta tratatuko dugu, eta erabiltzailearen familiak dituen kezkak argituko.
Esku-hartzea hizkuntzan
Izaki bizidunak animaliengandik bereizten gaituen funtzioa da hizkuntza; izan ere, emozioak eta pentsamenduak adierazteko, iraganari buruz hitz egiteko eta etorkizuna irudikatzeko aukera ematen digu. Hasiera batean, pentsa liteke hizkuntza eta mintzamena gauza bera direla, baina ez ditugu nahastu behar. Bi termino ezberdin dira. Esate baterako, baliteke pertsona batek hizkuntza erabiltzea baina mintzamenik ez izatea (adibidez, gorrek zeinu-hizkuntza erabiltzen dute, baina batzuek ez dute ahotsa erabiltzen) eta pertsona batek hizkuntza garatuta ez edukitzea (adibidez, autismoaren espektroko nahasmendua duten pertsona batzuek ez dute interakziorik ingurunearekin).
Garuneko lesioen (istripuak, iktusak) edo neuroendekapenezko gaixotasunen ondorioz harremanak izateko gaitasuna galdu duen heldu bat edo oraindik interakzioan aritzea ikasi ez duen haur bat bazara, Bermo Logopedia zentroan ulermenaren zimenduak eta ingurunearekin erlazionatzea ahalbidetzen duen oinarri bat ezartzen saiatuko gara. Horrez gain, ahoz harremanetan jartzea lortzen ez badugu, bestelako sistemak eskainiko dizkizugu zaren izaki soziala adierazi ahal izan dezazun.
Garuneko lesioen (istripuak, iktusak) edo neuroendekapenezko gaixotasunen ondorioz harremanak izateko gaitasuna galdu duen heldu bat edo oraindik interakzioan aritzea ikasi ez duen haur bat bazara, Bermo Logopedia zentroan ulermenaren zimenduak eta ingurunearekin erlazionatzea ahalbidetzen duen oinarri bat ezartzen saiatuko gara. Horrez gain, ahoz harremanetan jartzea lortzen ez badugu, bestelako sistemak eskainiko dizkizugu zaren izaki soziala adierazi ahal izan dezazun.
Esku-hartzea ikaskuntzaren nahasmenduetan
Dislexia (irakurtzeko zailtasuna), diskalkulia (kalkulu matematikoak egiteko zailtasuna), disortografia (ortografia zuzena erabiltzeko zailtasuna) eta disgrafia (mugitzeko zailtasuna hizkiak idaztean) dira ikaskuntzaren nahasmenduak.
Bermo Logopedia zentroan, eskolatze-aldiaren lehen urteetan egiten ditugu diagnostikoak eta esku hartzen dugu. Hala, nahasmenduek eragindako sintomak ahalik eta arinenak izaten laguntzen dugu, eta ikaskuntzarekin ere lagunduko zaitugu, hobekuntza eta/edo arrakasta akademikoa ahalbidetzen duten tresnen bidez.
Helduen kasuan, askotariko moduetan esku har dezakegu. Besteak beste, haurtzaroan diagnostikorik jaso ezin izan zuten pertsonen zalantzak argitzen dituzten diagnostikoak egiten ditugu. Bestalde, unibertsitateko azterketetan, hizkuntza-profilen azterketetan, oposizioetan eta bestelako frogetan baldintza-berdintasuna izateko aukera ematen dien dislexia-ziurtagiria behar duten pertsonak ere tratatzen ditugu.
Komunikazio-hobekuntzaren plana
Bermo Logopedia zentroan Komunikazio-hobekuntzaren plana izeneko zerbitzu berri eta esklusiboa eskaintzen dugu. Haren bitartez, logopedian erabilitako teknikak, ahots-tratamenduaren espezializazioa, eta kantua, dantza, antzerkia eta bestelako alorretan dugun eskarmentua baliatuta, jendaurreko mintzamena hobetzen lagunduko dizugu. Horretarako, zure beharretara (zaletasuna, ogibidea zein biak batera) egokituko gara, nahiago duzun hizkuntzan.
Besteak zu ulertzen eta zure adierazpenetan hobeto hitz egiten lagun diezazukegu: biziagoa eta ulergarriagoa izanda, ahotsa gutxiago behartuta gehiago entzun zaitzaten, gorputz-adierazpenaren garrantzia ulertuta eta sentituta, eta hartaz kontzientziatuta. Hala, behar duzun konfiantza lortzen lagunduko dizugu, zure adierazpenak argiak eta arinagoak izateko, eta jendeari iristeko.
Besteak zu ulertzen eta zure adierazpenetan hobeto hitz egiten lagun diezazukegu: biziagoa eta ulergarriagoa izanda, ahotsa gutxiago behartuta gehiago entzun zaitzaten, gorputz-adierazpenaren garrantzia ulertuta eta sentituta, eta hartaz kontzientziatuta. Hala, behar duzun konfiantza lortzen lagunduko dizugu, zure adierazpenak argiak eta arinagoak izateko, eta jendeari iristeko.
